U VNU zakryjuć 45 śpiecyjalnaściaŭ
Pra heta ministr adukacyi Andrej Ivaniec raskazaŭ u intervju sb.by.
«Vykonvajem pieršaje žaleznaje patrabavańnie Łukašenki: spynić niaprofilnuju padrychtoŭku ŭ VNU. Dziejničajem paśladoŭna. U minułym navučalnym hodzie spynili padrychtoŭku pa 12 śpiecyjalnaściach, u hetym — pa 45. U nastupnym navučalnym hodzie całkam zavieršym niaprofilnaje navučańnie ŭ biełaruskich VNU. Padkreślu: havorka idzie nie pra spynieńnie padrychtoŭki hetych śpiecyjalistaŭ. Jany i nadalej buduć rychtavacca, ale tolki ŭ tych ustanovach vyšejšaj adukacyi, dzie jość adpaviednyja navukovyja škoły, kvalifikavany prafiesarska-vykładčycki skład i nieabchodnaja materyjalna-techničnaja baza. Tolki takija ŭstanovy mohuć harantavać hałoŭnaje — jakaść adukacyi, jakuju my stavim na pieršaje miesca», — raskazaŭ Andrej Ivaniec.