Tramp: Rasija marudzić ź mirnym urehulavańniem
Uładzimir Pucin. Fota: Getty Images
Prezident Donald Tramp zajaviŭ u intervju kanału Newsmax u aŭtorak, što, mahčyma, Rasija i prezident Uładzimir Pucin «marudziać» z dasiahnieńniem mirnaha pahadnieńnia.
«Ja nie viedaju. Ja maju na ŭvazie, ja paviedamlu vam u peŭny momant. Ale mnie zdajecca, što Rasija choča, kab heta skončyłasia, ale, mahčyma, jany ciahnuć čas», — skazaŭ Tramp viadučamu Newsmax Hrehu Kieli.
«Ja hadami zajmaŭsia zaklučeńniem ździełak, viedajecie. Ja nie chaču padpisvać kantrakt, ja chaču nibyta zastacca ŭ hulni, ale, moža, ja i nie chaču hetaha rabić, zusim… Ja nie ŭpeŭnieny. Ale nie, mnie zdajecca, Rasija chacieła b, kab heta ŭsio skončyłasia, i mnie zdajecca, što [prezident Ukrainy Uładzimir] Zialenski taksama chacieŭ by zakančeńnia na dadzieny momant».