Kolkaść palitviaźniaŭ apuściłasia da 1200 čałaviek
Apošni raz takoje było ŭ mai 2022 hoda.
Pa padlikach pravaabarončaha centru «Viasna», pa stanie na 27 sakavika 2025 u Biełarusi zastajecca 1200 palitźniavolenych.
Heta nie dakładnaja ličba. Jość dziasiatki (a moža, i bolš za sotniu) čałaviek ludziej, adpraŭlenych u SIZA, pra kaho pravaabaroncy pakul nie viedajuć. Razam z tym, jość i ludzi, jakija ŭžo vyjšli na svabodu, ale infarmacyja pra heta nie trapiła ŭ «Viasnu». Aproč taho, u lik palitviaźniaŭ nie ŭvachodzić tyja sotni ci tysiačy čałaviek, jakija znachodziacca na chatniaj chimii.
Tym nie mienš ciapierašni lik najmienšy z maja 2022 hoda, kali na fonie salidarnaści biełaruskaha hramadstva z Ukrainaj kolkaść palitviaźniaŭ stała rezka raści.
Apošnim časam biełaruskija sudy štomiesiac dajuć termin u kałonii 50-70 novym palitviaźniam. U siarednim vyzvalajecca pa skančeńni terminu ci pa pamiłavańni troški bolš ludziej.