BIEŁ Ł RUS

U 11-hadovaha chłopčyka ŭ rukach vybuchnuła samarobnaja pryłada

26.03.2025 / 14:39

Nashaniva.com

U Minskim rajonie ŭ vioscy Bahušova 23 sakavika «ekśpierymient» z samarobnaj vybuchovaj pryładaj skončyŭsia dla 11-hadovaha chłopčyka z Mazyra ciažkimi traŭmami i terminovaj špitalizacyjaj, paviedamlaje SK.

Ranicaj u niadzielu dvoje školnikaŭ — adzin ź ich miascovy, druhi pryjechaŭ na lecišča razam z baćkami sa stalicy — znajšli ŭ starym chlavie mietaličnuju trubku i vyrašyli pravieści «ekśpierymient».

Dzieci zapoŭnili pradmiet rybałoŭnymi hruzikami i sierkaj ad zapałak, paśla čaho pasprabavali padpalić samarobnuju «zbroju».

Vynik dziciačaj zabavy — vybuch pryłady prama ŭ ruce adnaho z padletkaŭ, jaki atrymaŭ surjoznyja traŭmy. Chłopčyka terminova špitalizavali. Na ščaście, druhi padletak nie paciarpieŭ.

 Ustanoŭlena, što abodva školniki — z dobrych siemjaŭ i raniej u pole zroku pravaachoŭnikaŭ nie traplali.

Padrabiaznaści zdareńnia vyśviatlajucca. Miedyki zmahajucca za zdaroŭje chłopčyka.

Čytajcie taksama:

Kamientary da artykuła