BIEŁ Ł RUS

Danija pačnie pryzyvać žančyn u armiju z 2026 hoda

26.03.2025 / 14:57

Nashaniva.com

Danija ŭviadzie abaviazkovuju vajennuju słužbu dla žančyn z 2026 hoda, paviedamiŭ ministr abarony krainy Troels Łund Poulsien.

Ilustracyjnaje fota: Pavel Golovkin / AP

Ułady spadziajucca takim čynam pavialičyć kolkaść asabovaha składu ŭzbrojenych sił na fonie rastučaj pahrozy z boku Rasii, paviedamlaje Bloomberg.

Pa słovach Poulsiena, pieršapačatkova ŭrad płanavaŭ uvodzić novuju sistemu z 2027 hoda, ale paźniej vyrašyŭ paskoryć reformu. Heta stała mahčymym paśla dasiahnieńnia palityčnaha kansiensusu z bolšaściu partyj u parłamiencie.

Ciapier u Danii žančyny mohuć iści ŭ vojska dobraachvotna, u toj čas jak mužčyny padlahajuć pryzyvu z 18 hadoŭ — pa łatarejnaj sistemie, jakaja kampiensuje niedachop dobraachvotnikaŭ.

Akramia taho, z žniŭnia 2026 hoda termin słužby pavialičycca z 4 da 11 miesiacaŭ.

Danija stanie treciaj krainaj u NATO, jakaja ŭviała abaviazkovy pryzyŭ dla žančyn. Pieršaj heta zrabiła Narviehija ŭ 2015 hodzie, a z 2017 hoda padobnuju reformu praviała Šviecyja.

Čytajcie taksama:

Kamientary da artykuła