Amierykanskija vajskoŭcy, što źnikli na miažy Litvy ź Biełaruśsiu, zahinuli ŭ bałocie?
Pra ich źniknieńnie na palihonie kala litoŭskaha Padbrodździa na miažy ź Biełaruśsiu stała viadoma ŭviečary 25 sakavika. Pra śmierć pišuć litoŭskija ŚMI. Aficyjnaj infarmacyi pakul niama.
Ilustracyjny zdymak. Fota: kariuomene.lt
«Pavodle apošnich źviestak, amierykanskija vajskoŭcy zahinuli», — piša Delfi.
Ab tym ža piša i TV3. Pa infarmacyi vydańnia, heta adbyłosia, kali vajskoŭcy viartalisia z palihona ŭ kazarmy.
Razam z vajskoŭcami raniej źnik husieničny transpartny srodak. Padrabiaznaści situacyi nieviadomyja. Adnak krynicy TV3 i Lrytas śćviardžajuć, što ciažkaja husieničnaja mašyna źnikłych vajskoŭcaŭ była znojdziena ŭ bałocie.
Infarmacyju pra zdareńnie palicyja atrymała ŭ aŭtorak u 19:19. Raniej paviedamlałasia, što na vučeńniach źnikli try vajskoŭcy.