Hiensak NATA paćvierdziŭ hibiel amierykanskich vajskoŭcaŭ u Litvie
Hienieralny sakratar NATA Mark Rute paćvierdziŭ, što čaćviora amierykanskich vajskoŭcaŭ na miažy Litvy ź Biełarusi zahinuli, ale detalaŭ zdareńnia nie padaŭ, paviedamlaje Reuters.
Ilustracyjny zdymak. Fota: Minabarony Litvy
Raniej litoŭskija vajskoŭcy paviedamili, što viaduć pošuki čaćviarych amierykanskich sałdat i husieničnaj mašyny, źnikłych u aŭtorak. U paviedamleńni było skazana, što vierahodnaje miesca ich źniknieńnia ŭstanoŭlena. U pošukach taksama ŭdzielničajuć litoŭskija ratavalniki, palicyjanty i vajskoŭcy ZŠA.
Litoŭskija ŚMI pišuć, što mašyna z amierykanskimi vajskoŭcami, imavierna, trapiła ŭ bałota. Aficyjna heta pakul nie paćvierdžana.
Źnikłyja byli zadziejničanyja ŭ vučeńniach na palihonie Padbrodździe niepadalok ad miažy ź Biełaruśsiu, havorycca ŭ zajavie armii ZŠA.
Čytajcie taksama:
Amierykanskija vajskoŭcy, što źnikli na miažy Litvy ź Biełaruśsiu, zahinuli ŭ bałocie
U Litvie na miažy ź Biełaruśsiu paśla vučeńniaŭ źnikli čaćviora amierykanskich vajskoŭcaŭ
Ci mohuć ZŠA vyvieści z ładu ŭzbrajeńni, jakija pastaŭlajucca Jeŭropie?