Sieuł: KNDR pierakinuła ŭ Rasiju jašče 3000 vajskoŭcaŭ
Paŭnočnaja Kareja z pačatku 2025 hoda adpraviła ŭ Rasiju jašče kala 3000 vajskoŭcaŭ u jakaści padmacavańnia dla ŭdziełu ŭ vajnie suprać Ukrainy na baku Maskvy. Pra heta paviedamiŭ Abjadnany kamitet načalnikaŭ štaboŭ Paŭdniovaj Karei ŭ čaćvier, 27 sakavika, piša Deutsche Welle.
Fota: Russian Defense Ministry Press Service via AP, File
Pavodle acenak Sieuła, ź pieršapačatkova adpraŭlenych 11 tysiač paŭnočnakarejskich vajskoŭcaŭ kala 4000 zahinuli abo byli paranieny.
Akramia žyvoj siły, Pchieńjan praciahvaje pastaŭlać Rasii rakiety, artyleryju i bojeprypasy. Jak udakładnili ŭ Sieule, Paŭnočnaja Kareja pieradała Rasii «značnuju kolkaść balistyčnych rakiet małoj dalnaści», a taksama hranatamioty i reaktyŭnyja sistemy załpavaha ahniu. U zaležnaści ad situacyi na froncie, kolkaść karejskich vajskoŭcaŭ u zonie bajavych dziejańniaŭ moža pavialičycca, papiaredzili ŭ Sieule.
Z kastryčnika 2024 hoda KNDR, pavodle acenak Paŭdniovaj Karei, Ukrainy i ZŠA, raźmiaściła ŭ Kurskaj vobłaści Rasii, što miažuje z Ukrainaj, kala 10 tysiač svaich vajskoŭcaŭ.
U kancy studzienia karejskija padraździaleńni daviałosia adklikać ź linii frontu praź vialikija straty.