U Biełaruś ekstradavali kilera bandy Marozava, jaki chavaŭsia 20 hadoŭ. Adzin ź jaho pašpartoŭ byŭ na imia Sašy Biełaha
U žniŭni minułaha hoda ŭ horadzie Kastanaj (Kazachstan) zatrymali ŭdzielnika bandy Marozava Viktara Reckaha. U bandzie jon byŭ z 1992 hoda, vykonvaŭ rolu štatnaha kilera, paviedamlaje MUS. Ciapier jaho ekstradavali ŭ Biełaruś.
Pavodle MUS, Recki ździejśniŭ šerah zabojstvaŭ i inšych ciažkich i asabliva ciažkich złačynstvaŭ. U studzieni 2005 hoda jon byŭ abvieščany ŭ miždziaržaŭny, a zatym mižnarodny vyšuk pa linii Interpoła.
Viadoma, što Recki chavaŭsia ad pieraśledu pa padroblenych dakumientach na terytoryi Rasii i Kazachstana. Pres-słužba MUS pakazała jaho padrobleny pašpart na imia Sašy Biełaha (z takim imiem byŭ hałoŭny hieroj znakamitaha kryminalnaha sieryjała pra 90-ja «Bryhada»).
Ciapier mužčyna ekstradavany ŭ Biełaruś dla pryciahnieńnia da kryminalnaj adkaznaści.