Ministr abarony Litvy: My nie tracim nadziei znajści amierykanskich vajskoŭcaŭ
«Da samaha apošniaha momantu my nie stracim nadziei znajści źnikłych vajskoŭcaŭ. Bo Litva, jak i ZŠA, svaich nie pakidaje. A vajskoŭcy ZŠA — heta i našy vajskoŭcy», — napisała ŭ svaim fejsbuku Davile Šakalenie.
Technika, jakaja rasčyščaje padychody da miesca, dzie zatanuła vajskovaja mašyna. Fota z fejsbuka Davile Šakalenie.
«Razam z ambasadarkaj Karaj S. MakDonałd sustrelisia z supolnaściu amierykanskich vajskoŭcaŭ u Litvie. Ja dała harantyju, što budziem šukać źnikłych ich tavaryšaŭ, nie škadujučy času i sił. Padtrymlivać adno adnaho ciapier — jak nikoli važna. Dumkami ci malitvaj — zastavajciesia pobač ź siemjami vajskoŭcaŭ», — napisała ministr abarony.
Nahadajem, vajskovaja mašyna z čatyrma amierykancami prapała padčas vučeńniaŭ na litoŭska-biełaruskaj miažy viečaram 25 sakavika. Učora mašyna była znojdziena na dnie bałota, ale adkryć luk pakul nie ŭdajecca. Ci žyvyja vajskoŭcy — nieviadoma.
Čytajcie taksama:
Ministr abarony Litvy: Niama harantyi, što vajskoŭcy ZŠA ŭ mašynie — praviarajucca i inšyja viersii