Žychar Lachavičaŭ pamior, vypiŭšy srodak ad ačystki duchoŭki
Žychar Lachavičaŭ zahinuŭ u vyniku ŭžyvańnia vadkaści dla čystki kuchonnych plit, pierabłytaŭšy jaje z ałkaholnym napojem, paviedamili ŭ Dziaržaŭnym kamitecie sudovych ekśpiertyz.
Fota: Dziaržkamitet sudovych ekśpiertyz
67-hadovy mužčyna pastupiŭ u balnicu ź mierkavanym dyjahnazam «atručeńnie chimičnym rečyvam».
«Jak jon patłumačyŭ, znachodziačysia doma, zrabiŭ niekalki hłytkoŭ z butelki z vadkaściu, pierabłytaŭšy jaje z ałkaholem», — paviedamili ŭ DKSE.
Tam taksama ŭdakładnili, što paśla hetaha mužčyna adčuŭ mocny bol u horle i žyvacie, ale pa miedycynskuju dapamohu źviarnuŭsia tolki praź dziesiać hadzin, kali stan značna pahoršyŭsia.