Mahutny ziemlatrus u Mjanmie. Panika ŭ Banhkoku
Mahutny ziemlatrus z epicentram u Mjanmie skałanuŭ Paŭdniova-Uschodniuju Aziju dniom pa miascovym časie.
Asabliva mocna padziemnyja šturški adčuli žychary stalicy Tajłanda — Banhkoka. Pavodle danych Hieafizičnaha daśledčaha centra ŭ Patsdamie, mahnituda skłała 7,4 bała, piša Bild.
U horadzie padčas ziemlatrusu panavała panika — ludzi vybiahali na vulicy. U dziełavym rajonie Siłom u centry Banhkoka tysiačy čałaviek paśpieli pakinuć budynki.
«Ludzi ŭ panicy vybiahali z ofisaŭ, kryčali, što im treba na vulicu», — paviedamlajuć miascovyja ŚMI.
Na miesca adrazu prybyli ratavalniki, jakija zaklikali žycharoŭ zastavacca pad adkrytym niebam. Z balnic evakujavali pacyjentaŭ, ich raźmiaścili prosta na vulicach, udalečyni ad budynkaŭ. Surjoznych razbureńniaŭ i paciarpiełych pakul nie zafiksavana.