Pa viartańni z Polščy zatrymali 64-hadovuju žančynu — jana ŭ SIZA za ŭdzieł u pratestach
Pravaabaroncam stała viadoma pra zatrymańnie naprykancy studzienia Žanny Vajniłovič, piša «Viasna».
Viadoma, što žančyna viartałasia ŭ Biełaruś z Polščy i była zatrymanaja nie na miažy, a praź niekalki dzion paśla hetaha.
Joj inkryminujuć «narodny» art. 342 KK (aktyŭny ŭdzieł u dziejańniach, jakija hruba parušajuć hramadski paradak) za nibyta ŭdzieł u paślavybarčych akcyjach pratestu. Jana znachodzicca ŭ SIZA.