U Biełarusi zabaranili pradavać dva papularnyja brendy alivak
Dziaržstandart Biełarusi zabaraniŭ pradavać u krainie aliŭki dźviuch viadomych marak — Gusto i Itlv, paviedamlajecca ŭ telehram-kanale viedamstva. Pryčyna — najaŭnaść u ich niedapuščalnaj charčovaj dabaŭki.
Havorka idzie pra kansiervavanyja pasteryzavanyja aliŭki Gusto, faršyravanyja łasosiem, i niepasteryzavanyja aliŭki biez kostačak Itlv. Vyrablajuć ich u Ispanii.
U abodvuch vypadkach Dziaržstandart paličyŭ, što pradukcyja nie adpaviadaje patrabavańniam techničnych rehłamientaŭ Mytnaha sajuza.
«U vyniku praviedzienych vyprabavańniaŭ u składzie pradukta vyjaŭlenaja niezajaŭlenaja vytvorcam, niedapuščalnaja charčovaja dabaŭka — kansiervant dyjaksid siery (Je220)», — havorycca ŭ paviedamleńniach.
U Gusto hetaha kansiervanta znajšli ŭ kolkaści 39,7±9,1 mh/kh, u Itlv — 80,2±18,4 mh/kh.
Ciapier aliŭki pavinny być vyklučanyja z prodažu.
Čytajcie taksama:
U Biełarusi zabaranili papularnyja batončyki «Fruta niania»
U Biełarusi zabaranili «Kazki» Puškina, vydadzienyja «Umkaj»
U Biełarusi zabaranili pradavać pralny parašok ajčynnaj vytvorčaści
Zabaranili prodaž rasijskaj hrečki, jakoj tolki «nadali źniešni vyhlad i asobnyja ŭłaścivaści»