Žychar Baranavičaŭ vyroščvaŭ doma kanopli. Sudzili jaho ŭ miascovaj škole
Asudžany 31-hadovy žychar Baranavičaŭ patłumačyŭ, što chacieŭ kanoplami vylečyć svajo biassońnie. Pra vypadak raspaviali ŭ Hienprakuratury.
Ilustracyjnaje fota: minsknews.by
Sud pa spravie žychara Baranavičaŭ prajšoŭ u miascovaj Siaredniaj škole №17 — na im prysutničali vučni starejšych kłasaŭ.
31-hadovaha biełarusa pryhavaryli da 3 hod chatniaj chimii za vyroščvańnie raślin, jakija ŭtrymlivajuć psichatropnyja rečyvy (artykuł 329 KK).
Abvinavačvańnie zajaviła, što doma ŭ asudžanaha znajšli ŭsio abstalavańnie dla vyroščvańnia kanopli: nasieńnie, uhnajeńni, lampy dla aśviatleńnia i hrunt, a taksama śpiecyjalnyja harški. Usiaho ŭ jaho kvatery było 113 raślin kanopli.
Mužčyna skazaŭ, što ŭ śniežni 2024 vyrašyŭ vyraścić raślinu, kab vylačyć biassońnie. Vobšuk ŭ jaho doma praviali taksama ŭ śniežni 2024 hoda.