Ukraina viarnuła cieły bolš čym 900 zahinułych vajskoŭcaŭ
909 zahinułych vajskoŭcaŭ pieradali va Ukrainu, paviedamiŭ ukrainski Kaardynacyjny štab pa abychodžańni z vajennapałonnymi.
Pieradača cieł. Fota: Kaardynacyjny štab pa abychodžańni z vajennapałonnymi Ukrainy
Siarod zahinułych vajskoŭcaŭ — abaroncy z Pakroŭskaha, Bachmuckaha, Vuhladarskaha, Łuhanskaha i Zaparožskaha kirunkaŭ, a taksama cieły z morhaŭ na terytoryi Rasii.
Štab pravioŭ apieracyju pa viartańni zahinułych z dapamohaj USU, MUS Ukrainy, inšych viedamstvaŭ Ukrainy i Čyrvonaha Kryža.
«Śledčymi pravaachoŭnych orhanaŭ sumiesna z ekśpiertnymi ŭstanovami MUS u samyja karotkija terminy buduć ustanoŭlenyja asoby zahinułych», — paviedamili ŭ štabie.
Taksama 28 sakavika na biełaruska-ukrainskaj miažy ŭźjadnalisia čatyry siamji. U Rasiju viarnulisia troje darosłych hramadzian hetaj krainy, va Ukrainu — dvoje dziaciej i mama adnaho ź ich.