Volkswagen moža pačać vytvorčaść vajskovych aŭtamabilaŭ
Kampanija Volkswagen razhladaje mahčymaść supracoŭnictva z Rheinmetall — adnym z najbujniejšych vajskovych kancernaŭ Hiermanii, piša Bild.
Fota: Deb Cohn-Orbach/UCG/Universal Images Group via Getty Images
Čutki pra patencyjnaje supracoŭnictva hetych dźviuch kampanij chodziać užo daŭno, i niadaŭna hienieralny dyrektar VW Olivier Blumie u intervju brytanskaj haziecie Telegraph uskosna ich paćvierdziŭ: «Kali źjavicca mahčymaść ruchacca napierad u śfiery vajskovych aŭtamabilaŭ, my razhledzim hetyja kancepcyi».
Hienieralny dyrektar Rheinmetall Armin Papierher niadaŭna naviedaŭ zavod Volkswagen u Osnabruku (Nižniaja Saksonija). Pavodle jaho, zavod «dobra padychodzić» dla vytvorčaści vajskovaj techniki.
Darečy, Rheinmetall i MAN Truck and Bus — hruzavoje padraździaleńnie Volkswagen — užo majuć sumiesnaje pradpryjemstva z 2010 hoda. Prajekt Rheinmetall MAN Military Vehicles (RMMV) vypuskaje vajskovyja aŭtamabili, u pryvatnaści, u Miunchienie i Kaseli.
Pavodle źviestak Bild, Volkswagen moža pačać vytvorčaść ciapierašnich madelaŭ RMMV u Osnabruku, jak tolki pavialičycca kolkaść zakazaŭ ad Bundeśviera i zamiežnych klijentaŭ.