Eks-pieršaja rakietka Rasii budzie hulać za Aŭstraliju
Eks-pieršaja, a siońnia druhaja rakietka Rasii, tenisistka Darja Kasatkina, abviaściła pra źmienu spartyŭnaha hramadzianstva — zaraz jana budzie pradstaŭlać Aŭstraliju.
Darja Kasatkina
Pavodle jaje słoŭ, ułady Aŭstralii zaćvierdzili jaje zajaŭku na atrymańnie pastajannaha dazvołu na žycharstva. Žyć Kasatkina płanuje ŭ Mielburnie.
«Z honaram abviaščaju, što z hetaha momantu budu pradstaŭlać svaju novuju radzimu, Aŭstraliju, u majoj prafiesijnaj tenisnaj karjery», — napisała jana ŭ Instagram.
Kasatkina taksama adznačyła, što «zaŭsiody budzie z pavahaj i hłybokaj udziačnaściu stavicca da svaich karanioŭ», ale ciapier rada pačać novy etap u žyćci i karjery pad aŭstralijskim ściaham.
Darji Kasatkinaj 27 hadoŭ. Jana zajmaje 12-je miesca ŭ suśvietnym rejtynhu Žanočaj tenisnaj asacyjacyi. Doŭhi čas jana była pieršaj rakietkaj Rasii, ale niadaŭna sastupiła hety tytuł 17-hadovaj Miry Andrejevaj.
Darja nieadnarazova vykazvałasia suprać vajny Rasii va Ukrainie i vykazvała padtrymku ŭkrainskim tenisistkam.
U pryvatnaści, Kasatkina kazała, što va ŭkrainskich spartovak jość šmat padstaŭ, kab nie padavać ruku rasijankam na turnirach.