U Hankonhu pradali pracu Šahała za 4,5 miljona dalaraŭ
Na aŭkcyjonie Sotheby's u Hankonhu za bujnuju sumu pradali karcinu słavutaha mastaka rodam ź Biełarusi Marka Šahała pad nazvaj «Viasnovyja kvietki» («Zban ź viasnovymi kvietkami»), paviedamlaje «Biełaruś i mir».
Karcina «Viasnovyja kvietki». Fota: sothebys.com
Praca vykanana alejem na pałatnie pamieram 72ch60,6 sm u Francyi ŭ 1930 hodzie. Jaje sapraŭdnaść paćvierdžanaja Kamitetam Šahała, na što majecca adpaviedny siertyfikat.
Papiarednie tvor byŭ acenieny ŭ 22-28 miljonaŭ hankonskich dalaraŭ, što składaje pa kursie prykładna 2,9-3,6 miljonaŭ dalaraŭ ZŠA.
U vyniku łot byŭ realizavany 29 sakavika pa bolš vysokaj canie — 34,5 miljona hankonskich dalaraŭ, što składaje pryblizna 4,5 miljona dalaraŭ ZŠA.
Čytajcie taksama:
Aŭtapartret źviazanaha ź Viciebskam mastaka pradali ŭdvaja vyšej acenki. I heta nie Šahał
Parfionaŭ pra Šahała: «Heta ruski madern, nie isnavała nijakaha biełaruskaha žyvapisu»
Na pieršych sioletnich tarhach Sotheby's buduć pradavać karcinu Šahała