Pahałoŭje śviniej u Biełarusi za hod źmienšyłasia na 13%

Pahałoŭje śviniej u Biełarusi pa vynikach studzienia — lutaha 2025 hoda skłała 1 975 702 (za anałahičny pieryjad 2024-ha — 2 267 873; —12,9%), vynikaje z praviedzienaha vydańniem «Pozirk» analizu danych Nacyjanalnaha statystyčnaha kamiteta.

Fota ilustracyjnaje

Tolki ŭ Mahiloŭskaj vobłaści zafiksavanaja stanoŭčaja dynamika — 185 901 (165 442; +12,4%).

U astatnich rehijonach jana admoŭnaja: u Bresckaj vobłaści — 318 840 (368 259; —13,4%), Viciebskaj — 381 134 (384 645; —0,9%), Homielskaj — 156 340 (228 896; —31,7%), Hrodzienskaj — 550 525 (579 711; —5%), Minskaj — 382 962 (540 920; —29,2%).

Praviedzieny «Pozirkam» analiz danych Biełstata zaśviedčyŭ, što za piać hadoŭ kolkaść asabistych padsobnych haspadarak hramadzian, jakija stała žyvuć u sielskaj miascovaści, źniziłasia na 4,7% — z 967,3 tysiač u pačatku 2020 hoda da 922,1 tysiač c pačatku 2025-ha.

Najlepšyja pakazčyki ŭ Minskaj vobłaści: rost na 2% — z 271,6 tysiač da 277,1 tysiač.

Najhoršaja dynamika zafiksavanaja ŭ Hrodzienskaj vobłaści. Tam padsobnych haspadarak na vioscy stała mienš na 10,4% (z 127,1 tysiač da 113,9 tysiač).

Kamientary da artykuła