Čyrvonuju knihu Biełarusi dapoŭnili novymi vidami žyvioł i raślin
Čyrvonuju knihu Biełarusi dapoŭnili novymi vidami žyvioł i raślin. Heta abumoŭlena pastanovaj Ministerstva pryrodnych resursaŭ i achovy navakolnaha asiarodździa ad 14 sakavika 2025 hoda, apublikavanaj na Nacyjanalnym pravavym internet-partale.
Zhodna z pryniatym dakumientam, ciapier achoŭny status buduć mieć 213 vidaŭ dzikich žyvioł i 310 vidaŭ dzikarosłych raślin.
Papiaredniaja redakcyja Čyrvonaj knihi była apublikavanaja ŭ 2014 hodzie. Tady ŭ joj značylisia 203 vidy žyvioł i 303 vidy dzikarosłych raślin.
Ciapier status niekatorych žyvioł panižany z pryčyny pavieličeńnia ich papulacyj. Naprykład, zubr, majučy raniej III, atrymaŭ IV katehoryju. Anałahičnaja situacyja nazirajecca z ryśsiu i barsukom. Majučy ŭ staroj redakcyi II katehoryju, u novaj jany atrymali IV.
Niekatoryja vidy całkam źnikli z novaj redakcyi Čyrvonaj knihi, u asnoŭnym heta kazurki. Siarod vyklučanych z knihi vidaŭ — rodnasnaja pantapareja (rakapadobnaja), branianosiec źviazany (mnahanožka), palanik (ptuška) i dazorščyk-impieratar (strakaza).
Inšyja vidy, naadvarot, byli dadadzienyja: zvyčajnaja turkaŭka, kasmatanohi syč, koń Pržavalskaha, błakitnica aryjon, šaŭkaprad dubovy ciomnakryły i inšyja.
Pieršaje vydańnie Čyrvonaj knihi Biełarusi vyjšła ŭ 1981 hodzie. Tady ŭ jaho ŭvajšło 80 vidaŭ žyvioł i 85 vidaŭ raślin.
Čytajcie taksama:
U Biełaviežskaj puščy paličyli ŭsich zubroŭ
Pad Mahilovam žančyna ŭratavała z padpalenaj travy zajčania VIDEA