U «Minsk-Śviecie» pabačyli dziŭnuju žyviołu: minčuki spračajucca, chto heta moža być
Minčanka pad nikam Karina_Top_G apublikavała videa, na jakim pa «Minsk-Śviecie» biehaje niazvykłaja dla horada žyvioła: źviarok, miarkujučy pa ŭsim, ludziej nie baicca i aktyŭna skača nasustrač ź niezrazumiełymi namierami. U kamientarach razharelisia sprečki, što heta za źvier. Ale nie tolki pra heta, piša CityDog.
«Babry ŭ «Minsk-Śviecie». Napadajuć biez papiaredžańnia, voś i pierajazdžaj u elitny rajon!» — žartam padpisała biełaruska videa, jakoje nabrała ŭžo bolš za 380 000 prahladaŭ i sabrała amal tysiaču kamientaroŭ.
@karina_top_g Ili kto eto voobŝie #minskmir #minsk ♬ orihinalnyj zvuk - Karina_Top_G
Pad videa niekalki sotniaŭ kamientaroŭ, dzie ludzi varožać, chto ž heta. Mierkavańni padzialilisia.
«Heta andatry: pobač rečka, kali pačynałasia budoŭla, ich było tam šmat, a zaraz pa niavoli im davodzicca vychodzić».
«Heta pacuk. Jany nie lubiać nazojlivaści — mohuć i ŭkusić. Skačuć jany vielmi vysoka, da tvaru dastanuć. Vy tam aściarožniej. U babra chvost šyroki i płoski».
«Heta maleńkaja nutryja! Jany kali pałochajucca, tady i skačuć! Mocna nie kusajuć».
«Heta piasiec».
Miarkujučy pa formie cieła i chvasta, chutčej za ŭsio, nieviadomy źvier sapraŭdy nutryja.
Ale nie mienš dyskusij u kamientarach vyklikała navat nie žyvioła, a «elitarnaść» rajona.
«Ja moža nie ŭ tym Minsku žyvu, ź jakoha času «Minsk-Śviet» elitny?».
«Elitnaść u Minsku — heta Drazdy i Pieramožcaŭ kala Drazdoŭ. A astatniaje — heta dla śmiertnych».
«U Minsku niama elitnych rajonaŭ. Usia elita daŭno za horadam».
«Dy kali ŭžo vy zapomnicie, «Minsk-Śviet» — heta nie elitny rajon, a ekśpierymientalny».
«Elitny rajon, jaki razvalvajecca? Śmiešna», — pišuć u kamientarach.