U Rasii vysokapastaŭleny čynoŭnik zhulaŭ u chakiej i pamior
Namieśnik kiraŭnika administracyi Archanhielskaj vobłaści ŭpaŭ padčas matču. Vyratavać 66-hadovaha mužčynu nie ŭdałosia.
Uładzimir Anańjeŭ. Fota: urad Archanhielskaj vobłaści
Namieśnik kiraŭnika administracyi Archanhielskaj vobłaści Uładzimir Anańjeŭ pamior paśla hulni ŭ chakiej. Jamu było 66 hadoŭ.
29 sakavika Anańjeŭ hulaŭ za kamandu abłasnoha ŭrada ŭ haradskim čempijanacie pa chakiei. Čynoŭnikam supraćstajała miascovaja kamanda T-54. Nienadoŭha paśla pačatku hulni Anańjeŭ adčuŭ siabie drenna i zvaliŭsia, piša RBK.
Anańjeŭ paśla padzieńnia. Skrynšot tranślacyi
Hulcy vynieśli namieśnika kiraŭnika administracyi ź placoŭki na nasiłkach. Ale miedyki nie zmahli jaho vyratavać.
Cikava, što čynoŭnik, jaki naradziŭsia ŭ Lvovie, adkazvaŭ za mabilizacyju na vajnu suprać Ukrainy ŭ Archanhielskaj vobłaści. Jon časta vystupaŭ pierad vajskoŭcami, jakich adpraŭlali na front.