Alaksiej Protas zakinuŭ 30-ju šajbu ŭ hetym siezonie
U rehularnym čempijanacie Nacyjanalnaj chakiejnaj lihi «Vašynhton Kepitałz» doma prajhraŭ «Bafała Sejbrz» (5:8). 24-hadovy biełaruski forvard «Vašynhtona» Alaksiej Protas, jaki hulaŭ u pieršym źvianie, zakinuŭ šajbu.
Alaksiej Protas. Fota: CHK «Vašynhton Kepitałz»
Na 37-j siekundzie treciaha pieryjadu Protas aformiŭ šajbu ŭ mienšaści. Heta byŭ treci hoł staličnaha kalektyvu ŭ pajadynku.
U siezonie ŭ Protasa 73 hulni, 65 (30+35) bałaŭ, pakazčyk karysnaści «+ 40», 18 chvilin štrafu.
Taksama ŭ pajadynku zakinuŭ šajbu i forvard «Vašynhtona» Alaksandr Aviečkin, heta jaho 890-ja šajba ŭ NCHŁ za amal 20 siezonaŭ. Rasijaninu zastałosia čatyry šajby da viečnaha rekordu Uejna Hrecki (894 šajby). Aviečkin, vidavočna, abnović rekord u nastupnych matčach.
«Vašynhton» (harantavaŭ sabie miesca ŭ płej-of) z 103 bałami ŭ 73 hulniach idzie na 1-m miescy ŭ tablicy Uschodniaj kanfierencyi.