Na pažary ŭ Mścisłavie zahinuŭ mužčyna — niekalki miesiacaŭ tamu jon užo traplaŭ u balnicu z apiokami
Pozna ŭviečary 30 sakavika zahareŭsia pryvatny dom na vulicy Niakrasava ŭ Mścisłavie, paviedamlaje MNS.
Fota: MNS
Na momant pryjezdu vyratavalnikaŭ ahoń achapiŭ unutranyja pamiaškańni i dach doma, utvaryłasia ščylnaje zadymleńnie. Susiedzi paviedamili, što ŭnutry moža znachodzicca čałaviek. Hetyja zdahadki paćvierdzilisia: u adnym z pakojaŭ na łožku vyratavalniki znajšli zahinułaha 58-hadovaha haspadara doma.
Pryčyny ŭźniknieńnia pažaru vyśviatlajucca. Nie vyklučana, što da trahiedyi pryviało nieaściarožnaje abychodžańnie z ahniom padčas kureńnia z boku samoha mužčyny.
U kastryčniku minułaha hoda mužčyna ŭžo źviartaŭsia pa miedycynskuju dapamohu z apiokami, jakija atrymaŭ u vyniku nieaściarožnaha kureńnia.