Juryj Karajeŭ pryznačany kiraŭnikom Hrodzienskaj vobłaści
Adpaviednaje rašeńnie siońnia pryniaŭ Łukašenka.
Raniej kiraŭnikom Hrodzienskaj vobłaści byŭ eks-ministr achovy zdaroŭja Uładzimir Karanik, jaki pryznačany vice-premjeram. Karajeŭ, jaki z vosieni 2020 hoda byŭ upaŭnavažanym Łukašenki pa vobłaści, hetyja dva tydni vykonvaŭ abaviazki hubiernatara.
Karajeŭ byŭ ministram unutranych spraŭ z červienia 2019 pa kastryčnik 2020 hoda.
Ministram enierhietyki pryznačany Dzianis Maroz, a ŭžo były ministr enierhietyki Alaksiej Kušnarenka pryznačany hubiernataram Minskaj vobłaści, dva tydni tamu kiraŭnik Minščyny Alaksandr Turčyn uznačaliŭ urad.