Škołu ŭ Žodzinie evakujavali z-za pažaru ŭ prybiralni
Ranicaj 31 sakavika ŭ žodzinskaj siaredniaj škole № 9 adbyŭsia pažar. Spracavała sistema apaviaščeńnia, z budynka evakujavali sotni dziaciej, paviedamili ŭ MNS.
«Da prybyćcia padraździaleńniaŭ MNS u vyniku spracoŭvańnia słoŭnaha apaviaščeńnia z budynka evakujavanyja 870 čałaviek, ź ich 789 vučniaŭ», — paviedamili ŭ MNS.
Pažar adbyŭsia ŭ mužčynskaj prybiralni na druhim paviersie. Dym zaŭvažyŭ nastaŭnik fizkultury. Jon nadzieŭ supraćhaz i tušyŭ połymia vadoj ź viadra.
U vyniku pažaru była paškodžana pieraharodka. Paciarpiełych niama, pryčyna zdareńnia vyśviatlajecca.