U Maładziečnie ŭ pustym vahonie znajšli 27-hadovaha amierykanca, jaki nielehalna trapiŭ u Biełaruś ź Litvy
Jechaŭ hramadzianin ZŠA ź Litvy ŭ tavarnym ciahniku, jaki kiravaŭsia ź litoŭskaj Kiany ŭ biełaruskaje Maładziečna, paviedamiła pres-słužba Mytnaha kamitetu.
Na maładziečanskaj stancyi supracoŭniki mytni ŭbačyli jaho ŭ pustym vahonie tavarnaha ciahnika. Jany ž zatrymali jaho za nielehalnaje pierasiačeńnie biełaruskaj miažy.
Dla dalejšaha vyśviatleńnia situacyi amierykanca nakiravali da Pahraničnaj słužby Biełarusi.
Taksama pres-słužba apublikavała fota taho, jak hramadzianina ZŠA zaŭvažyli ŭ ciahniku.
Vyjava amierykanca, zroblenaja mytnaj słužbaj. Fota: Mytny kamitet