U łahiery biežancaŭ u Niderłandach ad pieradaziroŭki pamierła 17-hadovaja trans-dziaŭčyna z Rasii
Praź niekalki miesiacaŭ znachodžańnia ŭ łahiery dla biežancaŭ u Ter-Apiele jaje zhvałtavali, śćviardžaje partał Port.
Pamiatny miemaryjał Alisy Siarovaj. Fota: LGBT Asylum Support / Facebook
Pa dadzienych prajekta LGBT Asylum Support, 17-hadovaja rasijanka Alisa Siarova pamierła ad pieradaziroŭki 27 sakavika.
Dziaŭčyna źbiehła z Rasii ŭ 2023 hodzie, kali joj było 16 hadoŭ. U Niderłandach jana apynułasia ŭ mihracyjnym łahiery, dzie, jak śćviardžajuć pravaabaroncy, joj nie padavali nieabchodnuju miedycynskuju dapamohu, niahledziačy na ciažki stan.
Praź niekalki miesiacaŭ ad taho, jak jana apynułasia ŭ łahiery, inšy mihrant jaje zhvałtavaŭ, śćviardžaje Port. Paśla hetaha jana pačała nanosić samoj sabie ranieńni i ŭžyvać narkotyki.