Amierykaniec, jakoha znajšli ŭ tavarnym vahonie ŭ Maładziečnie, dvojčy sprabavaŭ trapić u Biełaruś aficyjna. Jaho departujuć
Pamiežny kamitet raskazaŭ padrabiaznaści zatrymańnia amierykanca, jakoha znajšli ŭ vahonie tavarnaha ciahnika.
Hramadzianin ZŠA, jakoha napiaredadni znajšli ŭ pustym tavarnym vahonie ŭ Maładziečnie, budzie departavany nazad u Litvu.
Mužčyna 24 sakavika dvojčy sprabavaŭ ujechać na terytoryju Biełarusi aficyjna: ranicaj praz punkt propusku Kamienny Łoh, a viečaram taho ž dnia — praz pamiežny pierachod Bieniakoni, piša Pamiežny kamitet.
Adnak pry prachodžańni pamiežnaha kantrolu jon nie zmoh paćvierdzić najaŭnaść srodkaŭ, nieabchodnych dla pakryćcia vydatkaŭ pa jaho znachodžańni ŭ Biełarusi i vyjeździe z krainy. Tamu pamiežniki dvojčy admovili amierykancu va ŭjeździe.
Mužčyna atrymaje administracyjnaje pakarańnie za niezakonnaje pierasiačeńnie miažy, paśla čaho jaho adpraviać u Litvu.