U Sienacie ZŠA demakrat 25 hadzin vystupaŭ z krytykaj Trampa
U ZŠA pabili rekord samaj doŭhaj pramovy ŭ historyi Sienata: demakrat Kory Bukier (pradstaŭlaje Ńju-Džersi) bolš za sutki vystupaŭ z krytykaj prezidenta Donalda Trampa, piša AP News.
Kory Bukier. Fota: Win McNamee / Getty Images
Bukier pačaŭ svajo vystupleńnie viečaram paniadziełka, 31 sakavika, i tolki praz bolš jak 25 hadzin skončyŭ pramovu i pakinuŭ zału.
Takim čynam, jon pabiŭ rekord, ustalavany 67 hadoŭ tamu sienataram Stromam Termandam z Paŭdniovaj Karaliny, jaki na praciahu 24 hadzin i 18 chvilin damahaŭsia pryniaćcia Zakona ab hramadzianskich pravach u 1957 hodzie.
Sienatar-demakrat Bukier havaryŭ pra nastupstvy pieršych ukazaŭ Trampa, vykazvaŭ zaniepakojenaść z nahody maštabnych skaračeńniaŭ u sistemie sacyjalnaj abarony i anieksii Hrenłandyi i Kanady.