U Hrodnie pierakuliŭsia MAZ z pryčepam VIDEA
Siońnia, 2 krasavika, u Hrodnie ŭ mikrarajonie Alšanka pieraviarnuŭsia hruzavik razam z pryčepam. Incydent adbyŭsia kala 12:40 pablizu skryžavańnia vulic Karatkieviča i Ahinskaha, piša «AŭtaHrodna».
Fota: AutoGrodno.by
Pavodle papiarednich źviestak, hruzavik ruchaŭsia z boku praśpiekta Lebiedzieva i pry nabližeńni da skryžavańnia kiroŭca rezka paviarnuŭ naleva: źnios niekalki pralotaŭ płota na raździalalnaj pałasie, vyjechaŭ na sustrečnuju pałasu i pieraviarnuŭsia razam z pryčepam, pierakryŭšy dźvie pałasy vulicy.
Na miesca DTZ prybyli supracoŭniki DAI Hrodna i chutkaja dapamoha. Kiroŭcu akazali miedycynskuju dapamohu.