«Dla Hiermanii heta ekanamičnaja katastrofa». Niamieckija ekanamisty padličyli košt handlovaj vajny z Trampam na čatyry hady
Pavodle raźlikaŭ Instytuta niamieckaj ekanomiki ŭ Kiolnie, płany Donalda Trampa pa ŭviadzieńni pošlin mohuć abyścisia Hiermanii ŭ 200 miljardaŭ jeŭra. Takija straty kraina moža panieści za čatyry hady, kali myty zastanucca ŭ sile, piša Bild.
Donald Tramp. Fota: Joe Raedle / Getty Images
«Dla Hiermanii myta ŭ 20 % — heta ekanamičnaja katastrofa», — śćviardžajuć aŭtary daśledavańnia Jurhien Mates i Samina Sułtan. Pavodle ich padlikaŭ, da 2028 hoda VUP Hiermanii akazvajecca na 1,5 % nižejšym, čym byŭ by biez hetych abmiežavańniaŭ.
Adnak nastupstvy adčuje nie tolki FRH. Ahulnaja škoda dla Jeŭrapiejskaha sajuza moža skłaści kala 750 miljardaŭ jeŭra. Pryčyna — skaračeńnie ekspartu i ŭdar pa klučavych halinach, u pieršuju čarhu aŭtamabilnaj pramysłovaści.
Daśledčyki ličać, što ES bolš nie pavinien spadziavacca na ŭhavory.
«Da hetaha času ŭ ES sprabavali schilić Trampa z dapamohaj prapanoŭ — naprykład, pa pastaŭkach zvadkavanaha hazu abo ŭzbrajeńniaŭ. Ciapier pryjšoŭ čas pakazać, što Jeŭrakamisija taksama maje ryčahi cisku», — havorycca ŭ daśledavańni.