Stała viadoma, z kim pasłańnik Pucina sustrakaŭsia ŭ ZŠA
Śpiecyjalny pradstaŭnik prezidenta Rasii pa inviestycyjna-ekanamičnym supracoŭnictvie z zamiežnymi krainami, kiraŭnik Rasijskaha fondu pramych inviestycyj Kirył Dźmitryjeŭ 3 krasavika sustrakaŭsia ź sienatarami-respublikancami, pieradaje NBC News sa spasyłkaj na troch amierykanskich čynoŭnikaŭ.
Kirył Dźmitryjeŭ
Pavodle słoŭ surazmoŭcaŭ telekanała, havorka idzie pra Lindsi Hrema (sienatar ad Paŭdniovaj Karaliny) i Markuejna Malina (sienatar ad štata Akłachoma).
Hetaja sustreča adbyłasia pa prośbie prezidenta ZŠA Donalda Trampa, padčas jaje abmiarkoŭvalisia ŭmovy ŭrehulavańnia kanfliktu va Ukrainie i patrabavańni rasijskaha lidara Uładzimira Pucina dla spynieńnia ahniu, udakładnili krynicy.
Zastajecca nieviadomym, ci braŭ Tramp udzieł u hetaj sustrečy, pieradaje NBC News.
Čytajcie taksama:
Śpiecpradstaŭnik Pucina naviedaŭ Vašynhton
«ZŠA čujuć pazicyju Rasii». Pasłańnik Pucina raspavioŭ pra vyniki sustreč u Vašynhtonie