Navukoŭcy naličyli ŭ Biełarusi 12 vidaŭ klaščoŭ
Za ŭvieś čas daśledavańniaŭ na terytoryi Biełarusi zarehistravana 12 vidaŭ klaščoŭ troch rodaŭ, raskazała hienieralnaja dyrektarka pa navukovaj rabocie NPC pa bijaresursach Taćciana Vołkava. Jaje słovy pryvodzić hazieta «Navuka», zaŭvažyŭ telehram-kanał De facto.
Epidemičnaje značeńnie dla čałavieka majuć takija vidy, jak Ixodes ricinus (najbolš šmatliki i ahresiŭny da ludziej vid), Ixodes persulcatus i Dermacentor reticulatus.
Klaščy nie padajuć z dreŭ, zatoje samki padcikoŭvajuć čałavieka na raślinnaści vyšynioju da 1 m — zachop adbyvajecca na ŭzroŭni kaleniaŭ. Tamu i rekamiendujuć na ŭčastkach skošvać travu. Pry vychadzie ŭ les pažadana nadziavać nie vielvietavaje i vaŭnianaje adzieńnie, za jakoje klaščam lahčej začapicca, a štości z hładkimi pavierchniami.
Efiektyŭnym srodkam u baraćbie z kleščavym encefalitam źjaŭlajecca vakcynacyja. Univiersalnaj ekstrannaj chimijaprafiłaktykaj ad barelijozu moža stać daksicyklin abo jaho anałahi (dla dziaciej jość supraćpakazańni), jaki treba pryniać adnarazova ŭ pieršyja troje sutak z momantu ŭkusu klašča.
Čytajcie taksama:
«Mnie ŭžo kiepska». Biełarus pakazaŭ našeście klaščoŭ u rajonie
«Usie nohi ŭ ich». U Kamianieckim rajonie sutyknulisia z atakaj lasnych nasiakomych
U Biełarusi pračnulisia pieršyja klaščy
U Mahilovie zafiksavali pieršy ŭkus klašča ŭ hetym hodzie, i heta ŭ studzieni!