Pažar u Babrujskim rajonie źniščyŭ siem pabudoŭ
Paviedamleńnie pra pažar błoka haspadarčych pabudoŭ u v. Vuhły pastupiła ratavalnikam 4 krasavika ŭ 14:08, paviedamlaje MNS.
Fota: MNS
Padhaniajemy vietram ahoń pa suchoj travie imhnienna dabraŭsia da pabudoŭ i całkam achapiŭ ich. Padraździaleńni MNS nie dali pažaru vyjści za miežy zony hareńnia.
Škoda ad stychii značnaja: na troch padvorkach źniščana siem haspadarčych pabudoŭ, a taksama paškodžany ścieny i dach lecišča.
Papiarednie, pažar uźnik z-za nieaściarožnaha abychodžańnia z ahniom.