U Łatvii prapanavali całkam zabaranić tavary ź Biełarusi
Partyja «Nacyjanalnaje abjadnańnie» prapanuje całkam zabaranić handal u Łatvii rasijskimi i biełaruskimi tavarami, piša Rus.Tvnet.
Apazicyjnaja partyja Łatvii raspracavała prajekt rašeńnia, jaki praduhledžvaje zabaronu na handal tavarami rasijskaha i biełaruskaha pachodžańnia z 1 lipienia hetaha hoda.
Jak zajaviŭ deputat Janis Vitenbierhs, u łatvijskich kramach pa-raniejšamu možna znajści roznyja tavary, vyrablenyja ŭ Rasii i Biełarusi, chacia sankcyi ES u dačynieńni da hetych krain dziejničajuć užo niekalki hadoŭ. Admoviŭšysia ad handlu hetymi tavarami, Łatvija stanie prykładam dla inšych krain ES i budzie spryjać bolš efiektyŭnaj realizacyi sankcyjnaj palityki, ličyć deputat.
«Nacyjanalnaje abjadnańnie» adznačaje, što vajna Rasii suprać Ukrainy i jaje padtrymka z boku Biełarusi stvaryli situacyju, kali luby handal z hetymi krainami nie tolki amaralny, ale i źjaŭlajecca pramoj padtrymkaj ekanomiki ahresara.