Urahan na poŭdni Sibiry pryvioŭ da pažaraŭ i razbureńniaŭ. Žančynu źniesła z bałkona, i jana zahinuła
Niepahadź zakranuła siońnia Chakasiju, Krasnajarski i Ałtajski kraj, Novasibirskuju i Kiemieraŭskuju vobłaści.
Pavodle danych hubiernatara Chakasii Valancina Kanavałava, z-za niepahadzi ŭ Abakanie paciarpieli čatyry čałavieki. Akramia taho, u rehijonie zafiksavany ačahi kala 43 pažaraŭ. U rehijonie ŭviedzieny režym nadzvyčajnaj situacyi.
U Krasnajarsku z-za ŭrahanu zahinuła žančyna, paviedamlaje TVK sa spasyłkaj na palicyju. Pavodle papiarednich danych, jaje źniesła vietram z bałkona treciaha paviercha.
U horadzie taksama paciarpieŭ mužčyna. Pavodle danych TVK, jon apynuŭsia pad zavałami paviljona. Žurnalisty pišuć, što viecier zryvaje dachi damoŭ u Krasnajarsku i inšych nasielenych punktach kraja.
U Novasibirskaj i Kiemieraŭskaj abłaściach, a taksama ŭ Ałtajskim krai žychary paviedamlajuć pra masavyja adklučeńni elektraenierhii.