Pad Homielem samakatčyca trapiła pad koły traktara
Incydent zdaryŭsia 4 krasavika kala 11-j hadziny dnia.
Kiroŭca traktara «Biełaruś» z pryčepam padjazdžaŭ da Homiela z boku vioski Biarozki i pry pavarocie naprava sutyknuŭsia z sustrečnym elektrasamakatam Kugoo, na jakim jechała 43-hadovaja žančyna.
Z-za atrymanych traŭmaŭ žančynie daviałosia lehčy ŭ balnicu.
Pry hetym, pavodle infarmacyi DAI, elektrasamakat, na jakim jechała žančyna, mieŭ naminalnuju mahutnaść elektraruchavika bolšuju za 250 vat i moh razhaniacca na chutkaść bolš za 25 kiłamietraŭ u hadzinu. Na kiravańnie takim transpartam treba mieć adpaviednyja pravy, a ŭ paciarpiełaj žančyny ich nie było.