Płanšety dla čytańnia Kindle navučylisia pierakazvać knihi
Amazon pradstaviła novuju funkcyju dla karystalnikaŭ Kindle pad nazvaj Recaps, jakaja dapamahaje čytačam uspomnić asnoŭnyja padziei i piersanažaŭ pierad tym, jak prystupić da nastupnaj knihi ŭ sieryi. Hetaja funkcyja dastupnaja dla tysiač papularnych anhłamoŭnych elektronnych knižnych sieryjałaŭ.
Pierakazy stvarajucca z dapamohaj hienieratyŭnaha ŠI. «My vykarystoŭvajem technałohii, uklučajučy hienieratyŭny ŠI i maderataraŭ Amazon, kab stvarać karotkija reziume knih, jakija dakładna adlustroŭvajuć ich źmiest», — raspaviali ŭ Amazon.
Kab atrymać dostup da funkcyi Recaps, karystalnikam nieabchodna abnavić prahramnaje zabieśpiačeńnie svajoj pryłady Kindle da apošniaj viersii. Amazon płanuje ŭ bližejšy čas pašyryć funkcyju Recaps na dadatak Kindle dla iOS.