Namieśnik ministra infarmacyi vykazaŭsia pra zabaronienyja knihi
Spyniacca papaŭniać śpis «ekstremisckich» knih nie źbirajucca.
«Pieralik takoj litaratury my viadziem z 2023 hoda, — adznačyŭ namieśnik ministra infarmacyi Dzianis Jazierski ŭ intervju «Viačerniemu Minsku». — U śpisie ciapier 65 vydańniaŭ, ale, na žal, jon pašyrajecca. U asnoŭnym aŭtary takoj niepažadanaj litaratury — pradstaŭniki ZŠA, krain Jeŭrasajuza. Heta knihi, jakija prapahandujuć žorstkaść, hvałt, toje, što nam absalutna čužoje i nieprymalnaje, jany zdolnaje nanieści škodu nacyjanalnym intaresam. Śpis apublikavany na sajcie Ministerstva infarmacyi.
Z takimi vydańniami my zmahajemsia. Pastajanna pravodzim manitorynh prodažaŭ knih, u tym liku ŭ internecie, i, na žal, vyjaŭlajem fakty prapanovy takoj litaratury. Tamu my praciahniem prafiłaktyčnuju pracu z raspaŭsiudnikami knih, kab jany nie zakazvali litaraturu vyklučna pa malunku, naźvie i karotkaj anatacyi, ale taksama vykonvali dziejučaje ŭ Biełarusi zakanadaŭstva».
Nasamreč u śpisie zabaronienych ciapier 92 vydańni.
Namieśnik ministra infarmacyi Dzianis Jazierski. Fota: «Minsk-Naviny»
Adznačym, što ŭ hetym śpisie jość knihi biełaruskich piśmieńnikaŭ i historykaŭ. Siarod ich — «Apošniaja kniha pana A.» Alhierda Bachareviča, «Vajennaja historyja Biełarusi. Hieroj. Simvał. Koler» Viktara Lachora, «Ajčyna: Malaŭničaja historyja. Ad Rahniedy da Kaściuški» Uładzimira Arłova i Paŭła Tatarnikava. Ich zabarona pradyktavana niepažadanym pohladam na historyju krainy abo «niełajalnaściu» asoby aŭtara. Z zamiežnaj litaratury niadaŭna śpis zabaronienych uładami knih papoŭnili «Vobłačny atłas» Devida Mitčeła, «Kałychanka» Čaka Pałanika, «HUŁAH» En Epłbaum.
Sam čynoŭnik na niadaŭniaj knižnaj vystavie ŭ Minsku nabyŭ sabie knihu deputata i historyka Ihara Marzaluka «Ad Rusi i Litvy da Biełarusi: vytoki i hieniezis biełaruskaha naroda».