Jakija abmiežavańni ŭvodziacca dla elektrasamakataŭ u Minsku
U Minsku źjaviłasia šmat zon z abmiežavańniami dla pieramiaščeńnia na srodkach piersanalnaj mabilnaści (elektrasamakaty, monakoły dy inš). Da ich adnosiacca ŭsie ŭstanovy adukacyi, parki, skviery, stancyi mietrapalitena, paviedamlaje haradskoje DAI.
U pryvatnaści, abmiežavali chutkaść ruchu:
- u miežach pieršaha kalca — da 15 km/h,
- u miežach druhoha kalca — da 17 km/h,
- astatni Minsk u miežach MKAD — da 20 km/h;
- 200 avaryjna niebiaśpiečnych učastkaŭ — da 7 km/h.
— U kancy minułaha siezona takich zon było 47. Siarod ich — avaryjna niebiaśpiečnyja skryžavańni, dzie zdaralisia DTZ z udziełam srodkaŭ piersanalnaj mabilnaści. Sioleta takich učastkaŭ budzie 200. Heta nie tolki bujnyja praśpiekty, ale i žyłyja mikrarajony. Učastki vybrali pa vynikach analizu avaryjnaści za apošnija try hady, — raskazaŭ na pres-kanfierencyi namieśnik načalnika UDAI HUUS Miharvykankama Dzianis Livanovič.
Servisy kikšerynhu ŭličyli ŭsie hetyja abmiežavańni praz nałady ŭ prahramie: samakat nie pajedzie chutčej za dazvolenuju chutkaść i spynicca ŭ zonie, dzie prajezd zabaronieny.