Dźvie maładyja sudździ zvolnilisia pa ŭłasnym žadańni
Śladoŭ ich udziełu ŭ palityčnych represijach niama.
Alaksandr Łukašenka adpraviŭ u adstaŭku 16 sudździaŭ. Heta zvyčajnaja pracedura, jakaja adbyvajecca z peŭnaj pieryjadyčnaściu — kali źbirajecca peŭnaja kolkaść ludziej dla pryznačeńnia i zvalnieńnia, to ich usich uklučajuć u adzin ukaz.
Va ŭkazie №142 ad 7 krasavika 2025 hoda zhadvajucca dźvie maładyja sudździ, jakija zvolnilisia pa ŭłasnym žadańni.
Śviatłana Płotnikava (źleva) i Luboŭ Mikulič (sprava)
Heta Luboŭ Mikulič, jakaja pracavała ŭ sudzie Łahojskaha rajona, a taksama Śviatłana Płotnikava z suda Leninskaha rajona Minska.
Jany abiedźvie byli pryznačanyja 15 kastryčnika 2020 hoda na piać hadoŭ, adnak zvolnilisia daterminova.
U bazach pravaaabaroncaŭ niama paznak pra ŭdzieł u palityčnych represijach ni Mikulič, ni Płotnikavaj.
Taksama zvolniłasia pa ŭłasnym žadańni sudździa Maryna Łapcionak, jakaja pracavała ŭ ekanamičnym sudzie Mahiloŭskaj vobłaści. Adnak jana adpracavała ŭsie svaje 14 hadoŭ słužby ŭ sistemie haspadarčych sudoŭ, tamu ŭ pryncypie nie mahła sutykacca z palityčnymi spravami.