Erdahan padaŭ u sud na lidara tureckaj apazicyi i patrabuje ź jaho 13 tysiač dalaraŭ
Prezident Turcyi Redžep Taip Erdahan padaŭ pazoŭ ab abrazie honaru i hodnaści i patrabavańni kampiensacyi maralnaj škody suprać kiraŭnika tureckaj apazicyi Azhiura Azela, lidara Respublikanskaj narodnaj partyi Turcyi, paviedamlaje Haberturk.
Azhur Azel. Fota: Ugur Yildirim/ dia images via Getty Images
Akramia taho, u Hałoŭnuju prakuraturu Ankary była padadziena zajava ab zaviadzieńni kryminalnaj spravy ŭ dačynieńni da Azela pa artykule ab abrazie prezidenta.
Advakat prezidenta Turcyi Chiusiejn Ajdyn paćvierdziŭ padaču isku ŭ svaim akaŭncie ŭ tvitary. Pavodle jaho słoŭ, Erdahan patrabuje ad palityčnaha apanienta 500 tysiač tureckich lir (bolš za 13 tysiač dalaraŭ) z-za «biespadstaŭnych abvinavačvańniaŭ i abraźlivych vyrazaŭ, takich jak «člen chunty».