Nas čakaje jašče adzin źjezd
Vincuk Viačorka prapanavaŭ pravieści Forum za niezaležnaść
Na čarhovym pasiadžeńni Ŭpravy Partyi BNF, što prajšoŭ 4 vieraśnia ŭ Miensku, staršynia Partyi BNF Vincuk Viačorka prapanavaŭ pravieści Forum za niezaležnaść Biełarusi. Pra heta paviedamiła pres-hrupa Partyi BNF.
Mety forumu: «zaśviedčyć pierad biełaruskim hramadztvam, suśvietnaj supolnaściu i Rasiejaj volu biełaruskaj hramadzianskaj supolnaści; skansalidavać vakoł kaštoŭnaści niezaležnaści palityčnyja j hramadzkija struktury, što pieraadoleli paślasakavicki kryzys; viarnuć paniaćciu «niezaležnaść» jaho sens i ŭskładnić jaho vykarystańnie ŭładaju».
Prapanova była padtrymanaja siabrami Ŭpravy, jakija vyrašyli stvaryć stvaryć arhkamitet pa praviadzieńni Forumu.
Na pasiadžeńni Ŭpravy BNF taksama byŭ abmierkavany «praces vykanańnia planu praviadzieńnia mitynhaŭ u roznych haradach Biełarusi», – paviedamlaje pres-hrupa Partyi BNF.
Na 16 vieraśnia, nahadvajuć u pres-słužbie, pryznačany «Vialiki džynsavy fest», u jakim budzie brać aktyŭny ŭdzieł moładź BNF, jakaja budzie zajmacca «raspaŭsiudam infarmacyi», achovaju paradku padčas kancertu j arhanizacyjaj zapisu ŭ «Ruch za Svabodu».
Nahadajem, što 16 vieraśnia 1999 h. źnikli biaź źviestak palityk Viktar Hančar i pradprymalnik Anatol Krasoŭski.
Fota Andreja Lankieviča