U Čačni na ŭsieahulny ahlad vystavili cieła 17-hadovaha chłopca, jaki napaŭ na post DPS
U Ačchoj-Martanie, dzie raniej adbyłosia napadzieńnie na supracoŭnikaŭ darožna-pastavoj słužby, na haradskich vulicach i na płoščy vystavili na ahulny ahlad cieła napadnika. Miarkujecca, što heta Eskierchan Chumašaŭ. Videa raspaŭsiudžvajucca ŭ miesiendžarach žycharami Čačni, piša Ateo Blacked.
7 krasavika małady čałaviek z nažom napaŭ na palicejskich na paście pa vulicy Achmata Kadyrava. U vyniku napadu adzin z supracoŭnikaŭ DPS zahinuŭ, druhi byŭ paranieny i ahniom u adkaz zabiŭ Chumašava.
Miarkujučy pa videa, cieła napadnika vystavili taksama kala administracyi Ačchoj-Martanskaha municypalnaha rajona. Vakoł sabralisia ludzi. Najbolš vierahodna, što častka sabranych — svajaki Chumašava.
Učora Ramzan Kadyraŭ na naradzie z kiraŭnikami siłavych viedamstvaŭ zajaviŭ, što arhanizatary napadu na post DPS znachodziacca ŭ Turcyi i Ukrainie. Kadyraŭ taksama skazaŭ, što svajaki napadnika pavinny panieści adkaznaść za dziejańni Chumašava.