Prync Hary tajemna pryjechaŭ va Ukrainu
Brytanski prync Harry ŭ čaćvier u miežach nieanansavanaha vizitu prybyŭ u Lvoŭ, dzie naviedaŭ kliniku, u jakoj lečać paranienych abaroncaŭ, pra heta paviedamiŭ The Telegraph.
Fota: Max Mumby / Indigo / Getty Images
Hiercah Sasekski naviedaŭ Superhumans Center — artapiedyčnuju kliniku ŭ Lvovie, jakaja zajmajecca lačeńniem i reabilitacyjaj paranienych vajskoŭcaŭ i hramadzianskich asob.
Pavodle vydańnia, pra nieanansavanuju pajezdku stała viadoma tolki tady, kali jon užo pakinuŭ Ukrainu.
Prync Hary, jaki prasłužyŭ u brytanskaj armii 10 hadoŭ, staŭ druhim členam karaleŭskaj siamji, jaki naviedaŭ Ukrainu paśla Safi, hiercahini Edynburskaj, što pabyvała ŭ Kijevie letaś.