Pasolstva Rasii pierapisvajecca z pasolstvam Ukrainy praź Minsk
Maskva i Kijeŭ viaduć notnuju pierapisku praz pasolstvy dźviuch krain u Minsku, paviedamiŭ RIA Naviny dyrektar druhoha departamienta krain SND MZS Rasii Alaksiej Pališčuk.
«Pamiž Rasijaj i Ukrainaj sfarmavaŭsia kanał notnaj pierapiski, u asnoŭnym pa pravavych i konsulskich pytańniach», — zajaviŭ dypłamat. Pališčuk padziakavaŭ Biełarusi za padtrymku hetaha kanała suviazi.
Pasolstva Ukrainy ŭ Rasii spyniła pryjom hramadzian 24 lutaha 2022 hoda, u dzień pačatku napadu. Kijeŭ taksama razarvaŭ dypłamatyčnyja adnosiny z Maskvoj. Paźniej MZS Ukrainy paviedamiŭ, što ŭsie konsulstvy krainy zakryvajuć ofisy ŭ Rasii.