Łukašenka: Ukrainie ŭ ES niama čaho rabić. Čaho jana tudy lezie?
Ukrainie ŭ Jeŭrasajuzie niama čaho rabić. Takoje mierkavańnie vykazaŭ Alaksandr Łukašenka padčas subotnika.
Fota: president.gov.by
«Kudy Ukraina lezie? Heta imhniennaje zachapleńnie niedaśviedčanaha čałavieka. Dobry čałaviek Vałodzia Zialenski, ale niedaśviedčany. Jon heta pavinien pryznać, — skazaŭ Alaksandr Łukašenka. — Ukrainie ŭ Jeŭrasajuzie niama čaho rabić».
Pavodle słoŭ Łukašenki, kali ŭ ciapierašnich składanych umovach Ukraina jašče i abrynie svaju ekanomiku (a heta nibyta napeŭna adbudziecca za ŭstupleńniem u ES), to krainy ŭžo nie budzie.
«Pierš čym tudy biehčy, padumaj: ty tam patrebny ci nie. Heta budzie kraina biez pramysłovaści, bieź sielskaj haspadarki, biez taho, čym Ukraina tak hanaryłasia», — padkreśliŭ jon.