Trampavy myty vyzvalili rasijskuju naftu ad zachodnich sankcyj
Praz uviedzienyja prezidentam ZŠA Donaldam Trampam myty košt nafty Urals staŭ nižejšym za $60 za barel — i ciapier Rasija moža lehalna vazić jaje na zachodnich tankierach, piša Bloomberg.
Zdymak ilustracyjny. Fota: AP Photo/Robert F. Bukaty
Pastaŭki rasijskaj nafty ciapier mohuć rabicca tankierami, jakija naležać zachodnim kampanijam i zastrachavanych imi, pakolki rasijskaja nafta pierastała traplać pad dziejańnie sankcyj. Reč u tym, što košt barela nafty Urals upaŭ nižej za cenavuju stol $60 za barel, ustalavanuju ŭ 2022 hodzie.
Ciapier barel nafty marki Urals nabliziŭsia da adznaki ŭ $50. Za pieršyja dni krasavika cana źmienšyłasia bolš čym na 15%.
Kali košt rasijskaj nafty byŭ vyšejšy za paroh u $60, jaje nielha było pieravozić na tankierach, jakija naležać zachodnim kampanijam i zastrachavanych imi. Heta zmušała Rasieju pieravozić naftu na starych sudnach paŭlehalnaha «cieniavoha fłotu».
Z padzieńniem cenaŭ na naftu, jakoje pačałosia z-za ŭviadzieńnia amierykanskich taryfaŭ, dola pieravozak rasijskaj nafty na zachodnich tankierach abo tankierach, zastrachavanych zachodnimi kampanijami, rezka ŭzrasła — da 43% ad kolkaści sudnaŭ, jakija ŭžo zahružanyja abo zabraniravany ŭ hetym miesiacy. Pieršyja try miesiacy 2025 hoda pakazčyk składaŭ tolki 30%.
Infahrafika Bloomberg